Asa aýyr qylmystarǵa ólim jazasyn engizýge qaıta aınalyp kelýdiń qajeti joq - QR Bas prokýrory
ALMATY. 18 naýryz. QazAqparat /Erlik Erjanuly/ - Asa aýyr qylmystarǵa ólim jazasyn engizýge qaıta aınalyp kelýdiń qajeti joq.
QR Bas prokýrory Qaırat Mámı búgin Almatyda ótip jatqan "Adam quqyǵyn qorǵaýdy qylmystyq-protsessýaldyq salada qamtamasyz etýdegi kepildikter" dep atalatyn dóńgelek ústel májilisinde osylaı aıtty.
"Ómir bolǵan soń ártúrli aýyr qylmystar bolyp turady. Osyndaı jaǵdaı oryn alǵan kezde qoǵamda asa aýyr qylmys jasaǵandarǵa ólim jazasyn qaıta engizý máselesi Parlamentte nemese BAQ-tarda kóterilip jatady. Menińshe, biz ol kezeńnen ótip ketkenbiz. Asa aýyr qylmystarǵa ólim jazasyn engizýge qaıta aınalyp kelýdiń qajeti joq", - deıdi Qaırat Mámı.
Bas prokýrordyń paıymdaýynsha, qylmys jasaıtyn adam erteń ólim jazasyna kesilýim múmkin dep oılamaǵannan ne bolmasa qylmysym ashylmaıdy dep jasaıdy. "Eshqandaı aýyr jaza eshqashan bolashaq qylmysty jasaýǵa tosqaýyl bola almaıdy", - dedi ol.
