Asa aýyr qylmystar jasaǵan D. Botsınıan men A. Qalbaevty Qazaqstanǵa alyp keldi
Qazaqstan Respýblıkasy Bas prokýratýrasynyń suranysyna sáıkes Fınlıandııa Respýblıkasynyń Ádilet mınıstrligi aǵymdaǵy jyldyń 14 tamyzynda asa aýyr qylmystar jasaǵany úshin Astana qalasy ІІD-niń izdeýindegi D.Botsınıandy berý týraly sheshim qabyldady. Ol 2009 jyly asa iri mólsherdegi psıhotroptyq zattardy Qazaqstannyń memlekettik shekarasy arqyly zańsyz ótkizgeni úshin, sonymen qatar satý maqsatymen asa iri mólsherdegi esirtki zattaryn zańsyz saqtaǵany úshin aıyptalýda.
Aǵymdaǵy jyldyń tamyz aıynda Belarýs Respýblıkasynyń Bas prokýratýrasy 24 jasar A.Qalbaevty qaraqshylyq shabýyl jasaǵany úshin 2014 jyldyń 28 aqpanynda belarýstik sot belgilegen jazasyn odan ári óteý úshin Qazaqstanǵa berý týraly sheshim qabyldady.
Jetkizilgen azamattar Astana qalasynyń tergeý oqshaýlaǵyshyna qamaýǵa alyndy, dep habarlaıdy QR Bas prokýratýrasynyń baspasóz qyzmeti.
