ASA 105: Arman Ospanov Rasýl Mırzaevty birinshi raýndta nokaýtpen jeńdi
ALMATY. QazAqparat – Almatyda aralas jekpe-jekten ótip jatqan «Absolute Championship Akhmat 105» týrnırinde kópten kútken qazaqstandyq Arman Ospanov pen reseılik Rasýl Mırzaevtyń jekpe-jegi bolyp ótti, dep habarlaıdy QazAqparat tilshisi.
30 jastaǵy Arman Ospanov (9-3) pen 33 jastaǵy Rasýl Mırzaevtyń (18-2) aıqasy buǵan deıin birneshe márte josparlanǵanymen, ártúrli sebeppen ótpeı qalǵan edi. Eki eldiń myqty sportshylary búgin Almatyda kezdesti.
Qazaqtyń «Suńqary» men Qap taýynyń «Qara jolbarysynyń» aıqasy kópke sozylǵan joq. Alǵashqy mınýttarda Arman Rasýldy nokaýtqa jiberip, jeńisti julyp aldy.
Aıta ketsek, týrnırdiń basty jekpe-jeginde reseılik Shamıl Shahbýlatov (11-2) pen brazııalyq Danıel Olıveıra (26-6-1) kezdesedi. Olar týrnırde jeńil salmaqtaǵy chempıondy anyqtaıdy.
Týrnırdi tikeleı efırden Qazsport arnasynan kórsetip jatyr.
