As úıde maı nemese maıly taǵam tutanyp ketse ne isteý kerek
ASTANA. KAZINFORM - As úıdegi órt – óte jıi kezdesetin jaǵdaı. Birneshe sekýndtyq abyrjý densaýlyqqa da, úıge de úlken zııan keltirýi múmkin.
TJM myna jaıttardy este saqtaýǵa keńes beredi:
- Sý quımańyz! Maı men sý birikpeıdi – jalyn odan ári kúsheıedi.
- Janyp jatqan tabany syrtqa shyǵarmańyz: kúıip qalýyńyz jáne ottyń taralýy múmkin.
Durys áreket
- Plıtany sóndirińiz. Qyzýdy toqtatyńyz;
- Tabany qaqpaqpen nemese tabaqpen jabyńyz. Ot ottegisiz óshedi;
- Sýly, biraq jaqsylap syǵylǵan súlgini qoldanyńyz. Onymen jalyndy abaılap jabyńyz;
Eger maıly órtke arnalǵan F klasty órtsóndirgish bar bolsa, qoldanyńyz;
Órt kúsheıse, dereý evakýatsııa jasap, 101 nemese 112 nómirine qońyraý shalyńyz.
Paıdaly keńes
As úıde mindetti túrde órtsóndirgish nemese órtke qarsy jamylǵy ustańyz. Bul ómirdi qutqarýy múmkin. Ózińizdi jáne jaqyndaryńyzdy qorǵańyz.
Aıta keteıik, TJM birqatar óńirde tótenshe órt qaýpi týyndaıtynyn eskertti.
