Arzý Gýrbanova: Basty baılyǵymyz - berekeli birlik pen tutastyq
«Elbasy, Qazaqstan halqy Assambleıasynyń tóraǵasy Nursultan Nazarbaev aıtqandaı, halyq úshin turaqtylyq pen tatýlyqtan artyq eshteńe joq. 29 sáýirde astanamyz Nur-Sultanda ótetin Qazaqstan halqy Assambleıasynyń XXVII sessııasynda osy basty baılyǵymyz - birlik pen tutastyǵymyzdy nyǵaıtý jaıy keńinen talqylanady dep senemiz. Ótken jyly QHA sessııasynda Elbasy bastamasymen dúnıege kelgen «Qazaqtaný» jobasy barsha qazaqstandyqtardy ortaq múddege jumyldyrý arqyly qoǵamdyq kelisim jáne jalpyulttyq birlikti nyǵaıtýǵa súbeli úles qosyp keledi», - deıdi Arzý Gýrbanova.
Ázerbaıjan etnomádenı birlestigi tóraǵasy orynbasarynyń sózinshe, atalmysh joba Qazaqstandaǵy etnostar arasynda qazaq halqynyń tarıhyn, dástúrlerin, gýmanıtarlyq jáne adamgershilik prıntsıpterin dáripteýge baǵyttalǵan. Ulttyq qundylyqtar negizinde halyq birligin odan ári nyǵaıtý jáne eldegi turaqtylyqty saqtaýdy kózdeıdi.
«Aldaǵy kezeńderde kitaphanalarda qazaq tarıhynyń aıtýly kúnderine arnalǵan «Kúntizbeni paraqtaǵanda» taqyrybynda kórme uıymdastyrý, jas býyn ókilderin ulttyq qolónerge baýlý, «Qýatty eldiń qýatty azamattary» jobasyn iske asyrý syndy is-sharalar ótkizilmek. Osy joba aıasynda ulttyq qundylyqtar men salt-dástúr týraly kitapsha ázirleý josparlanyp otyr. Bıyl úshinshi megapolıste «Qazaqtaný» jobasy negizinde «Berekeli Shymkent», «Qazaq dastarhany», «Ulttyq dombyrany syıǵa tartý», «Tilge qurmet - elge qurmet» jobalary iske asady. Munyń barlyǵy memleket quraýshy qazaq ultynyń mańaıyna etnos ókilderin shoǵyrlandyryp, ózara syılastyq pen ishki birlikti bekemdeýge baǵyttalyp otyr»,- deıdi Arzý Gýrbanova.
