«Arzanǵa páter satamyn»: Semeıde alaıaq turǵyndardy 10 mln teńgege aldaǵan

SEMEI. QazAqparat – Semeı qalasynyń turǵyndaryn aldap, 10 mln teńgege jýyq paıda kórgen alaıaq ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna 24 jastaǵy azamat habarlasqan. Óz sózinde ol naryqtyq baǵadan áldeqaıda arzanǵa páter satyp alyp beretindigin aıtqan beıtanys áıelge 3 mln teńge bergenin jetkizdi.

«Jedel izdestirý sharalaryn júrgizgen tártip saqshylary buryn osyndaı qylmys jasaǵany úshin sotty bolǵan 27 jastaǵy qala turǵynyn ustady. Sondaı-aq onyń dál osy ádispen taǵy eki adamdy aldap soqqany belgili boldy. 52 jáne 27 jastaǵy zardap shegýshi 6 850 000 teńge shyǵynǵa batqan. Kúdikti óz kinásin moıyndady», - dedi oblystyq PD bastyǵy Saǵat Mádıev.

Qazirgi ýaqytta atalǵan fakti boıynsha QR QK-niń 190-baby 3-bóligine sáıkes tergeý amaldary jalǵasýda.