Arzan úı satyp alǵysy kelgen Aqtóbe turǵyny 5 mln teńgesinen aıyryldy
AQTÓBE. QazAqparat - Úı satyp almaq bolǵan aqtóbelik 5 mıllıon teńgesinen aıyryldy, dep habarlaıdy QazAqparat tilshisi.
Polıtsııa aqtóbelikterdi saq bolýǵa jáne alaıaqtardyń qurbany bolmas úshin beıtanys adamdarǵa senbeýge shaqyrady.
«Qobda aýdany Qoǵaly aýylynyń 46 jastaǵy turǵyny 2019 jyldyń qazan aıynda alaıaqtyń qurbany bolǵanyn aıtty. Áıel kúdiktige arzan páter alý úshin 5 mln teńge bergen. Polıtseıler kúdiktini anyqtady. Ol buryn alaıaqtyǵy úshin sottalǵan 41 jastaǵy aqtóbelik bolyp shyqty», - deıdi oblystyq PD baspasóz qyzmetiniń jetekshisi Erbolat Sarqulov.
Qazirgi ýaqytta sotqa deıingi tergeý bastaldy, kúdiktini ustaý sharalary qabyldanǵan.
