Arzan úı, kólik alyp beremin: Óskemen turǵyny tanystarynyń 41 mln teńgesin qoldy etken

ASTANA. KAZINFORM — Óskemen turǵyny «birlesken bıznes» ashý syltaýymen tanysynyń mıllıon teńgeden astam aqsha alyp, aıtqan ýádesinde turmaǵanyn aıtyp, shaǵymdanǵan, dep habarlaıdy Polisia.kz.

Tekserý barysynda polıtseıler kúdiktiniń aldyn ala daıyndaǵan shema boıynsha áreket etkenin jáne birneshe adamdy aldaǵanyn anyqtaǵan.

Ol tanystaryn «mol tabys» ákeletin kásipke aqsha salýǵa úgittep, birine arzan baǵada kólik alyp beremin dep, ekinshisine qaryzdy syıaqysymen qaıtaramyn nemese páter satyp alýǵa kómektesemin dep ýáde bergen. Osylaısha er adam birneshe jábirlenýshiniń iri kólemdegi qarajatyn ıemdengen.

— Onyń qylmystyq áreketi jalpy somasy 41 mıllıon teńgeden asatyn shyǵyn keltirgen. Kúdikti ustalyp, ýaqytsha ustaý ızolıatoryna qamaldy. Atalǵan faktiler boıynsha sotqa deıingi tergeý júrip jatyr. Qazirgi ýaqytta kúdiktiniń osyǵan uqsas ózge de alaıaqtyq faktilerine qatysy bar-joǵy tekserilip jatyr, — delingen habarlamada.

Polıtsııa kez kelgen jaǵdaıda saq bolýǵa shaqyrady.

Budan buryn Shyǵys Qazaqstan halqynyń ortasha jalaqysy qansha ekeni aıtyldy.