Arzan shyrshaǵa qyzyǵyp, aqshańyzdan aıyrylyp qalmańyz - ІІM eskertedi

ASTANA. KAZINFORM – Jańa jyl qarsańynda alaıaqtar belsendi túrde áreket etedi. Áleýmettik jelilerde baǵasy arzan shyrshalardy satý týraly habarlamalar paıda bolady.

ІІM dereginshe, olar ádemi fotosýretterdi paıdalanyp, aldyn ala tólem jasaýdy talap etedi. Aqsha aýdarylǵannan keıin «satýshylar» baılanysty birden úzedi.

Polıtsııa eskertedi:

• Belgisiz nemese jańadan ashylǵan paraqshalardan taýar satyp almańyz;
• Aldyn ala tólem jasaýdan, ásirese jeke banktik kartalarǵa aqsha aýdarýdan bas tartyńyz;
• Pikirlerdi, jarııalanymdardy jáne akkaýnttyń tirkelgen kúnin muqııat tekserińiz;
• Naqty mekenjaı men baılanys nómiriniń bar-joǵyn anyqtańyz;
• Óte tómen baǵa nemese tólemdi jedel jasaýǵa shaqyratyn usynystarǵa saqtyqpen qarańyz;
• Kúmán paıda bolsa, satyp alýdan bas tartqan jón.

Alaıaqtar merekelik áýre-sarsań men azamattardyń únemdeýge degen umtylysyn paıdalanady. Sondyqtan aqshany alaıaqtardan saqtaýdyń eń tıimdi joly — muqııat bolý.

Aıta keteıik, Májilis qaraýyna telefon alaıaqtaryna tosqaýyl qoıýǵa arnalǵan qujat kelip tústi.