Arzan kólik almaq bolǵan Aqtóbe turǵyny jıǵan-tergeninen aıyryldy
AQTÓBE.QazAqparat – Tómen baǵamen úsh avtokólik almaq bolǵan aqtóbelik turǵyn alaıaqqa 2,5 mıllıonnan asa aqsha bergen, dep habarlaıdy QazAqparat PD baspasóz qyzmetine silteme jasap.
«Qańtar aıynyń ortasynda belgisiz bireý «Nıva» markaly kólik pen «Toyota Camry» markaly eki avtokólikti naryqtaǵy baǵadan arzan satamyn dep aqtóbelik azamattan 2,5 mln teńge alǵan.
Polıtseıler júrgizgen jedel shara barysynda 42 jastaǵy er azamat ustalyp, kinásin moıyndady. QR QK 190 baby – «Alaıaqtyq» boıynsha sotqa deıingi tergeý jumysy bastaldy», - dep habarlady PD baspasóz hatshysy Erbolat Sarqulov.
