Arzan kólik ákep beremin dep 280 adamnyń aqshasyn joq qylǵan kúdikti ustaldy

NUR-SULTAN. QazAqparat – Elordalyq polıtseıler alaıaqtyq jasaǵany úshin halyqaralyq izdeý salynǵan «Nur-AvtoKz» JShS dırektorynyń orynbasaryn ustady, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

2021 jyldyń qyrkúıeginen polıtsııaǵa 280 turǵyn shaǵym túsirgen. Kompanııa basshylyǵy olardyń aqshalaı qarajaty men avtokólikterin alaıaqtyq jolmen ıelengen.

«Kompanııa basshylyǵy naryqtaǵydan arzan baǵamen 45 jumys kúni ishinde avtokólik ákelip beremiz dep shart jasasqany anyqtaldy. Aqshalaı qarajatty satyp alýshylar JShS-nyń kassasyna tólegen. Klıentterge kelgen iri kólemdegi materıaldyq zalal 3 mlrd teńgeden asady», - delingen habarlamada.

Elordalyq polıtsııa departamenti alaıaqtyq faktisi boıynsha QR QK 190-baby boıynsha sotqa deıingi tergeý júrgizip jatyr.

«Sotqa deıingi tergeý barysynda alaıaqtyq jasady degen aıyp taǵylǵan 35 jastaǵy JShS dırektory 2021 jyldyń qazanynan tergeý organdarynan qashyp, oǵan izdeý salynǵan bolatyn. Oǵan qatysty tergeý sotynyń sheshimimen «qamaýǵa alý» bultartpaý sharasy qoldanyldy», - delingen elordalyq PD baspasóz qyzmetiniń habarlamasynda.

Kúdikti qamaýǵa alynyp, Aqtaý qalasyndaǵy ýaqytsha ızolıatoryna qamaldy. Tergeý júrip jatyr.