Arzan kıim alǵysy kelgen shymkenttikter bir-birin taptap kete jazdady

ShYMKENT. QazAqparat- Shymkentte kıim dúkenine kezekke turýshylar bir-birin taptap kete jazdady, dep habarlaıdy QazAqparat tilshisi.

«Táýke han boıynda ornalasqan saýda úılerdiń birinde dúken ıesi sporttyq kıimderdi arzan baǵamen satý aktsııasyn uıymdastyrǵan. Osyǵan baılanysty ol jerde adamdar kóp jınalǵan. Dúken ashylǵan kezde adamdar bir-birin ıterip, qysa bastady. Oqıǵa ornyna qoǵamdyq tártipti qamtamasyz etý úshin ýchaskelik pýnktiń ýchaskelik ınspektorlary keldi. Zardap shekkender joq. Dúken ıesi ákimshilik jaýapkershilikke tartylady»-delingen Shymkent qalasy polıtsııa departamentiniń baspasóz qyzmeti aqpararatynda

Áleýmettik jelide Shymkent qalasyndaǵy kıim dúkenine kezekke turǵan adamdardyń vıdeosy tarady. Onda kópshiliktiń bir-birin qysyp, esikten kire almaı jatqanyn kórýge bolady. Tipti, qysylyp qalǵandar arasynda balalarda bolǵan.

«Osyndaı aktsııa jasamaı-aq qoıyńdarshy halyqty qınamaı», «Mynaý sumdyq qoı, aıtarǵa sózim joq», «Tegin kıim taratyp jatqandaı»-dep jazǵan bir oqyrman.

Vıdeodan alynǵan kadr