Arzan baǵa – alaıaqtardyń tuzaǵy – polıtsııa eskertý jasady

ÓSKEMEN. KAZINFORM – Abaı oblysynyń polıtseıleri turǵyndarǵa ınternet-alaıaqtardan saq bolýǵa shaqyryp, birneshe keńes berdi. 

Oblystyq Polıtsııa departamenti baspasóz qyzmetiniń málimetine súıensek, sońǵy ýaqytta óńirde alaıaqtyqtyń jańa tásili keńinen taralyp jatyr. Qaskóıler satyp alýshylardy shekten tys arzan baǵamen qyzyqtyryp, ýaqyt tyǵyz degen syltaýmen taýarǵa aldyn ala tólem jasaýǵa ıtermeleıdi.

- Alaıda aqsha aýdarylǵan soń olar baılanysqa shyqpaı, tapsyrys berilgen taýar múlde jetkizilmeıdi. Osyǵan baılanysty azamattardy barynsha saq bolýǵa shaqyramyz. Satyp alý kezinde tek qaýipsiz tólem ádisterin qoldanyńyz. Bank kartasynyń derekterin, SMS arqyly keletin qupııa kodtardy bógde adamdarǵa eshqashan bermeńiz, - delingen aqparatta. 

Eger alaıaqqa aldanyp qalsańyz, dereý «102» nómirine habarlasyńyz.

Eske salsaq, osyǵan deıin alaıaqtarǵa aldanyp, baspanasyn satqan 49 adamnyń ekeýi ǵana isti sotqa jetkize alǵany habarlanǵan.