Arystyń 175 búldirshini jańa balabaqshaǵa barady

ASTANA. QazAqparat - 1 jeltoqsan - Tuńǵysh Prezıdent kúnine oraı Ońtústik Qazaqstan oblysynyń Arys qalasynda «Orazaly ata» (100 oryndyq) jáne Baıyrqum aýyldyq okrýginde memlekettik-jekemenshik áriptestik aıasynda «Samuryq» balabaqshalary (75 oryndyq) ashyldy, dep habarlaıdy QazAqparat oblys ákimdiginiń baspasóz qyzmetine silteme jasap.

«Bolashaǵynan úmit kúttirer búldirshinderimizdiń altyn uıasynyń ashylý qurmetine qatysyp otyrǵan barshańyzǵa myqty densaýlyq, otbasylyq baqyt, baıandy ǵumyr, qajymas qaırat,  kúsh-qýat, yrys-nesibe, molshylyq tileımin» - dedi Arys qalasynyń ákimi Murat Qadyrbek.

Táýelsiz elimizdiń úkilegen úmiti - jas urpaqty tárbıeleýde birinshi besik - otbasy, ata-ana bolsa, ekinshi besik - bilim berý mekemesi. Mektepke deıingi kezeńdegi tárbıe - adam qalyptasýynyń alǵashqy baspaldaǵy sanalyp qana qoımaı, jan-jaqty tárbıe men damytý isiniń túpki negizin qalaıtyn oryn sanalady.

Osyǵan sáıkes, Memleket basshysy elimizdiń eń kishkentaı azamattaryna jasaǵan aıyryqsha qamqorlyǵy «Balapan» baǵdarlamasy júzege asyrylýda. Bul baǵdarlamanyń negizgi maqsaty balalardy mektepke deıingi tárbıemen qamtýdy ulǵaıtý bolyp sanalady.                                                 

Atalǵan baǵdarlama aıasynda qalada búgingi tańda 46 mektepke deıingi uıym jumys atqaryp keledi. Onda 3850 bala tárbıelenýde, ıaǵnı 80,1 paıyzdy qurap otyr. Sonyń ishinde memlekettik-jekemenshik áriptestikti damytý maqsatynda Arysta 23 balabaqsha, 10 memlekettik,  13 mektep janynan ashylǵan balabaqsha jumys jasaýda.