Arystyqtardy Shymkentten 135 avtobýs tasymaldaýda
Qalalyq Jolaýshylar kóligi jáne avtomobıl joldary basqarmasynyń basshysy Qýatjan Jumataevtyń aıtýynsha, jarylystan zardap shekken halyqtardy tasymaldaýǵa 6 kólik kompanııasy jumyldyrylǵan.
«Kólik kompanııalarynyń basshylary halyqty ózderi tasymaldap beremiz dep habarlasty. Sondaı-aq, qaladaǵy janar-jaǵar maı beketteriniń qojaıyndary olarǵa tegin benzın, solıarka quıyp berip otyr. Qajet bolǵan jaǵdaıda taǵy avtobýstardy shaqyrtatyn bolamyz. Eger búgin ár túrli sebeptermen bara almaı qalǵandar bolsa, erteń de, keıin de kólik uıymdastyryp beremiz,- dedi Qýatjan Jumataev.
Aıta keteıik, qalada bas-aıaǵy 56 evakýatsııa pýnktteri ashylǵan bolatyn.
«Qaladaǵy evakýatsııalyq pýnktterde 30 myńnan astam adam tirkelgen. Biz olardyń jaǵdaılaryna qaraımyz. Bireýler emhanalarda, aýrýhanalarda em qabyldap jatýy múmkin. Ol jerlerden shyqqan soń olardyń úılerine oralýyna qolǵabys etemiz. Qazir árbir beketterge jedel járdem qyzmeti de arnaıy shaqyrylyp, qajet bolǵan azamattarǵa alǵashqy medıtsınalyq kómekter de kórsetilýde», - deıdi Shymkent qalalyq Іshki saıasat jáne din isteri basqarmasynyń basshysy Murat Bazarqulov. 
