Arystyqtar úshin «Túrkistan» korporatıvtik áleýmettik damý qoryna 213 mln teńge aýdaryldy
Keshe, 2019 jyldyń 24 maýsymynda Túrkistan oblysynda «Túrkistan» korporatıvtik áleýmettik damý qorynda arnaıy esep-shot ashylǵan bolatyn.
Eki kún ishinde atalǵan qorǵa respýblıkamyzdyń túkpir-túkpirinen otanshyl jáne jomart júrekti azamattar qarjylaryn aýdaryp jatyr. Memlekettik mekemeler, jeke kompanııalar jáne kóptegen ujymdar tarapynan qarjylaı jáne gýmanıtarlyq kómekter joldanýda. Búgingi, ıaǵnı, 25 maýsymdaǵy málimet boıynsha qorǵa túsken qarjy kólemi 213 mln teńgege jetti.
«Túrkistan» korporatıvtik áleýmettik damý qory rekvızıtteri:
Túrkistan oblysy
Túrkistan qalasy, Kyzylorda tas joly , 34 A ǵımaraty,
Poshta ındeksi 161200
BSN (BIN) 100440016000
«ForteBank» AQ Túrkistan qalasyndaǵy fılıaly
JSK (IIK) KZ7196528F0007014540
BSK (BIK) IRTYKZKA
Karta «Halyk Bank»: 4031 6708 2224 4526 (Kaspi Bank-tiń júıesi boıynsha aqsha aýdarýǵa múmkindik qarastyrylǵan)
Arystyqtarǵa kómekteskisi keletin kez kelgen azamat joǵarydaǵy esep-shotqa aqsha aýdara alady.
Ásirese, Shymkent qalasy ákimdigi jáne turǵyndary tarapynan aıryqsha qoldaý kórsetilýde. Shymkent qalasynda arystyqtar úshin materıaldyq jáne gýmanıtarlyq kómekterdi qabyldaıtyn beketter ashyldy. Olar Abaı aýdany, «Yntymaq» shaǵynaýdanyndaǵy 592/3 kóliktik logıstıkalyq ortalyqta jáne N.Nazarbaev dańǵylyndaǵy «Kórme» ortalyǵynda ornalasqan.
Qazirgi tańda atalǵan beketterge Qaraǵandy oblysynan 3 tonna azyq-túlik jáne turmystyq zattar jetkizildi. Jambyl jáne Qyzylorda oblystarynan gýmanıtarlyq kómek kele jatyr. Sonymen birge jetkizilgen júkti, azyq-túlik pen kómekti Túrkistan oblysy men Shymkent qalasynda ornalasqan qabyldaý ortalyqtaryna bólý jumystary júrgizilýde. Bul jumystarǵa eriktiler tartylǵan.
Túrkistan oblysy ákimdiginiń bastamasymen qurylǵan qorǵa túsken qarjy jarylystan zardap shekken Arys qalasynyń turǵyndarynyń muqtajdyǵy úshin jumsalady.
