Arystyq jigit salmaǵy 43 keli bolatyn qoshqardy 1111 ret kóterdi

TÚRKІSTAN. QazAqparat – Arys qalasynyń turǵyny Azamat Maqulbekov salmaǵy 43 keli bolatyn qoshqardy 1111 ret kóterdi, dep habarlaıdy QazAqparat tilshisi.

Búgin Arys qalasynda qala kúni merekesi ótti. Atalǵan shara barysynda ulttyq sport túrlerinen jarys uıymdastyryldy. Ulttyq salt-dástúrlerimiz dáriptelip, salaýatty ómir salty nasıhattalǵan sharaǵa jergilikti turǵyndarmen birge Shymkent qalasy, Qazyǵurt jáne Ordabasy aýdanynyń jastary qatysty.

Sporttyq saıystardyń ishinde kópshiliktiń nazaryn aýdarǵany «Qoshqar kóterý» saıysy boldy. Qatysýshylar arasynda óziniń myqtylyǵyn dáleldep, salmaǵy 43 keli bolatyn qoshqardy 1111 ret kótergen Azamat Maqulbekov bas júldeni ıelendi. Al, qoshqardy 160 ret kótergen Májıt Arhat ekinshi oryndy, 150 ret kótergen Danııar Aıtbek úshinshi oryndy ıelendi.

Jarys jeńimpazy Azamat Maqubekovke ózi kótergen qoshqar berilse, qalǵan júldegerler men qatysýshylarǵa uıymdastyrýshylar baǵaly syılyqtar tabystady.

Bir qyzyǵy, erlerden soń qoshqar kóterý kezegin alǵan arystyq Ádil Aqnur esimdi arý birqatar jigitti shań qaptyryp, 64 ret kóterdi. Kelýshilerdi tańqaldyrǵan jigerli arýǵa da arnaıy syılyq tabys etildi.

Sol sııaqty barlyq sport túrinen júldeli oryn alǵan qatysýshylar arnaıy alǵys hatpen marapattalyp, olardyń bárine turmystyq tehnıkalar syıǵa tartyldy.