Arystyq «Nur shashý» bı toby Túrkııada ótetin óner saıysyna joldama jeńip aldy

TÚRKІSTAN. QazAqparat – Túrkistan oblysy, Arys qalasynyń jas ónerpazdarynan quralǵan «Nur shashý» bı toby respýblıkalyq jarystan jeńispen oraldy. Montaıtas aýylynyń jetkinshekteri 2021 jyly Túrkııada bolatyn saıysqa qatysatyn boldy, dep habarlaıdy QazAqparat tilshisi.

Atalmysh óner básekesine elimizdiń 17 oblysynan 50-den asa qatysýshy jınalǵan bolatyn. Bul shara qazaq bı ónerin dáripteý men keleshek urpaqqa ultymyzdyń ulyq ónerlerin asyl mura etip qaldyrý maqsatynda uıymdastyrylǵan. Atalǵan bı toby buǵan deıin de respýblıka kóleminde ǵana emes shet memleketterde de alǵashqy oryndarda kórinip júrgen top sanalady. Máselen, Almaty qalasynda ótken «Men de juldyz bolamyn» saıysynda órnek bıimen óner kórsetken top kórermendermen qatar qazylar alqasynyń da qoshemetine ıe bolǵan. Sondaı-aq, Reseı men Bolgarııa memleketterinde 1-oryn ıemdengeni belgili.

Aıta keteıik, Montaıtas aýyldyq okrýginde turatyn mádenıet janashyry Mahanbet Shalqaruly ónerpazdar qabiletterin ary qaraı shyńdaýǵa úles qosyp, arnaıy jattyǵý zalyn ashyp bergen. Sonyń demeýshiliginiń arqasynda aýyldyń jas ónerpazdary óner saıystarynda top jaryp júr.