Arystyq 8 jasar balanyń ólimine qatysty dárigerler túsinik berdi

NUR-SULTAN. QazAqparat- Astanalyq dárigerler Arysta kólik astyna túsip, elordada em alǵan Aıan Sháripbaevtyń qaıtys bolýyna qatysty pikir bildirdi, dep QazAqparat habarlaıdy.

«Bala 28 maýsym kúni Shymkent qalasynan elordaǵa jetkizildi. Ol aýyr jaǵdaıda, túrli dene jaraqatymen kelip tústi. Balany aman alyp qalý úshin bar jaǵdaı jasalyp, mamandar jumyldyryldy. Otandyq dárigerlerden bólek, arnaıy Máskeýden neırohırýrg maman shaqyryldy. Osy ýaqytqa deıin tıisti em-sharamen qatar, 25 shilde kúni onyń basyna ota jasaldy», - deıdi qoǵamdyq densaýlyq saqtaý basqarmasy Ana men balany qorǵaý bóliminiń basshysy Áıgerim Lebaeva.

Onyń aıtýynsha, bala búgin tańerteń saǵat 09:00-de kóz jumǵan.

Buǵan deıin habarlaǵanymyzdaı, Arysta jaralanǵan 8 jasar Aıan Sháripbaevtyń qaıtys bolǵany týraly aqparatty qalalyq densaýlyq saqtaý basqarmasy rastaǵan bolatyn.