Arystyq 250 bala jazǵy demalysyn Tóle bı aýdanyndaǵy lagerlerde ótkizedi
Astanadaǵy L.N. Gýmılev atyndaǵy Eýrazııa ulttyq ýnıversıtetiniń ujymy osy shilde aıynda Arystaǵy jarylystan zardap shekken otbasylardyń úıleri jóndelip jatqanyn eskere otyryp, mektep jasyndaǵy arystyq 250 oqýshy balaǵa arnalǵan «ENU Team» atty jazǵy demalys lagerin uıymdastyrýdy qolǵa aldy.
30 kúnde mektep oqýshylary jaı demalyp qana qoımaı bos ýaqytyn tıimdi paıdalanyp, zamanaýı ádistemelerdi qoldana otyryp bilimin jetildiredi (aǵylshyn tili oqytý, robototehnıka úırený, sporttyq sharalar ótkizý), jeke qabiletin damytý, t.b aınalysady.
Túrkistan oblysynyń Tóle bı aýdanynda ornalasqan «Birkólik shatqalyna» arystyq 50 bala kelip jaıǵasty. Jalpy ər maýsymda balalar onda 10 kúnnen bolady. Al qalǵan 200 bala kelesi onkúndikte osy lager men Qasqasý eldi mekeninde ornalasqan «Kók tóbe» jazǵy lagerinde demalady.
