Arystyq 130 bala Baıanaýylda demalady

ARYS. QazAqparat - Búgin QR Bilim jáne ǵylym mınıstrliginiń jáne Pavlodar ákimdiginiń uıymdastyrýymen Arys qalasyndaǵy tótenshe jaǵdaıǵa baılanysty arystyq 130 bala men aımaqtyń 10 ustazy Baıanaýyl ólkesine attandy, dep habarlaıdy QazAqparat tilshisi.

Pavlodar oblysy ákimdigi Shymkent qalasyndaǵy áýejaıǵa arnaıy ushaq jiberip, arystyq balalardy alyp ketti.

Al, «Almaty Kitap» baspasynyń ujymy uzaq jolǵa shyqqan barlyq balany qajetti kıim-keshekpen qamtamasyz etti.

Aıta keterligi, evakýatsııalyq ortalyqtarda jatqan balalardy jazǵy demalystarǵa jiberý jumystary jalǵasatyn bolady.