Arystyq 100 bala Shalqardaǵy lagerlerde demalyp jatyr
Aqmola oblystyq bilim basqarmasynyń málimetinshe, bul - Arystan kelip otyrǵan balalardyń ekinshi toby. Alǵashqy kelgen 145 bala birneshe topqa bólinip, Býrabaıdaǵy «Zvezdnyı» balalardy saýyqtyrý ortalyǵy men «Samuryq» lagerinde demalǵan bolatyn.
«Jalpy, 500-den astam balany Aqmola oblysyndaǵy demalys lageri men saýyqtyrý ortalyqtarynda demaldyrý josparlansa, 1 shildede 145 bala Býrabaıdaǵy «Zvezdnyı» jáne «Samuryq» lagerinde demaldy. Arystyq balalar úshin Aqmola oblysynyń kıeli jerleri men Býrabaıdyń kórikti oryndaryna saıahat uıymdastyryldy. Endi mine, 100 bala men 8 tárbıeshi Shalqardaǵy «Chaıka» jáne «Sokol» lagerlerine jaıǵastyryldy. Bul balalarǵa da túrli mádenı, sporttyq sharalar qarastyrylǵan», deıdi vedomstvodan.
Bilim basqarmasyndaǵylar atap ótkendeı, budan bólek, tamyz aıynda Zerendi aýdanyndaǵy demalys lagerlerinde 145 bala jáne «Baldáýren» respýblıkalyq oqý-saýyqtyrý ortalyǵynda 150 balany qabyldaý josparlanǵan.
