Arystanbek Muhamedıulynyń jubaıy 111 mln teńgeni memleket esebine aýdardy – Sot otyrysynda ne aıtyldy
Arystanbek Muhamedıuly Qylmystyq kodekstiń 28-baby 3-bóligi, 189-baby 4-bóliginiń 2-tarmaǵyna sáıkes qasaqana qylmystyq quqyqbuzýshylyqtar jasady dep aıyptalýda. ıAǵnı qylmys uıymdastyrdy, bógdeniń múlkin jymqyryp, qyzmettik jaǵdaıyn paıdalana otyryp, adamdarmen aldyn ala sóz baılasý arqyly iri mólsherde qarjy jymqyrdy degen kúdik taǵyldy.
«Qazir qaralyp jatqan qylmystyq isti qozǵaýǵa 2020 jylǵy naýryzda QR Ulttyq mýzeıiniń «Álem mýzeılerine Altyn adamnyń sherýi» halyqaralyq kórmesin Úndistanda ótkizý jáne uıymdastyrý boıynsha memlekettik satyp alý kezinde bótenniń múlkin urlaý túrinde jasalǵan qylmystar týraly T. Jamanqulovtyń atynan jazbasha ótinish sebep boldy. Astana qalasy Sybaılas jemqorlyqqa qarsy kúres agenttiginiń departamenti T. Jamanqulovtyń ótinishi negizinde QR Ulttyq mýzeıinde aýdıtorlyq tekserý júrgizýge bastamashy boldy. Ony Astana qalasy Іshki memlekettik aýdıt departamentiniń basshysy A. Káýketaevtyń tapsyrmasymen aýdıtor G. Nurkeeva «Pozıtıv» jeke kásipkerlik dırektory M. Mıshın men elordalyq sot saraptamalary ınstıtýtynyń sarapshysy K. Ábdimomynovanyń qatysýymen jáne Astana qalasy Sybaılas jemqorlyqqa qarsy kúres agenttigi departamentimen birge júrgizgen», - dedi advokat Mustahym Tóleev.
Aýdıtorlyq tekserý 2022 jylǵy 22 sáýirden 6 mamyrǵa deıin júrgizilgen, onda QR Ulttyq mýzeıi (dırektordyń orynbasary A. Nurazhan) men «Eskponat» JShS (dırektory A. Jaqypov) arasynda jalpy somasy 1 268 793 000 teńgege álemniń 5 elinde «Altyn adamnyń álem mýzeıleri boıynsha sherýi» kórmesin uıymdastyrý jáne ótkizý boıynsha qyzmetterdi tikeleı usyný arqyly bir kózden alý tásilimen bekitilgen kelisimniń QR «Memlekettik satyp alý týraly» Zańdarynyń talaptaryna sáıkestigi tekserildi.
2020 jyly 20 qańtardaǵy № 4 sharttyń 2.2 tarmaǵyna sáıkes, Ulttyq mýzeı tapsyrys berýshi retinde «Eksponat» JShS jumystary men qyzmetterin jetkizýshige 2020 jyldyń 28 qańtarynda № 18 tólem tapsyrmasy boıynsha 380 637 900 teńge mólsherinde 30% avanstyq tólem jasaǵan.
Sondaı-aq aýdıt 2020 jylǵy 20 qarashadaǵy oryndalǵan jumystar aktisine júrgizildi. Ondaǵy oryndalǵan jumystar men qyzmetterdiń jalpy somasy 350 115 000 teńge, onyń ishinde dırektordyń orynbasary qol qoıǵan QQS 37 mln 512 myń 30 teńge kóleminde, oǵan mýzeı dırektorynyń orynbasary A. Myrzaǵalıev pen «Eksponat» JShS jetkizýshisi A. Jaqypov qol qoıǵan.
«Aýdıtorlyq tekserý belgilegendeı, shyǵystardyń jalpy somasy smeta boıynsha josparlanǵan shyǵystardan – 350 mln 115, 1 myń teńgeden aspady. Kórmede qoldanylǵan 35 vıtrına QR Ulttyq mýzeıiniń balansyna qabyldandy jáne olardyń maqsatty paıdalanylýy úshin mýzeı qorynda saqtalady», - dedi advokat.
Alaıda, Sybaılas jemqorlyqqa qarsy is-qımyl agenttiginiń elordalyq departamenti anyqtaý organynyń ókili A. Tólendıev 2022 jylǵy 22 sáýirdegi Astana qalasy boıynsha taǵaıyndalǵan jáne júrgizilip jatqan ishki aýdıtpen qatar, 2022 jylǵy 28 sáýirde astanalyq sot saraptamalary ınstıtýtyna hat joldap, taýardyń sáıkestigin anyqtaý turǵysynan, ıaǵnı 35 kórme vıtrınalarynyń tehnıkalyq ereksheligi men 2020 jyldyń 20 aqpanyndaǵy №4 shart boıynsha qunyna taýartaný zertteýlerin júrgizýdi suraǵan.
Osyǵan baılanysty astanalyq sot saraptamalary ınstıtýtynyń sarapshysy K. Ábdimomynova múddeli tulǵa bolsa da, anyqtaý organynan aýdıt júrgizýge de qatysyp, sot saraptamalary ınstıtýtynda 35 vıtrına boıynsha taýarlyq saraptamalyq zertteý de júrgizgen. Nátıjesinde aýdıtor G. Nurkeeva óz esebinde tapsyrys berýshi bekitken smetada 44 mln 611 myń teńgeni quraıtyn, qarjylyq esepke sáıkes 42 mln 475 myń 800 teńge bolǵan 17 dana LDSP korpýsy bar vıtrınanyń boljamdy qunyn 6 mln 584 myń 500 teńge mólsherinde kórsetken.
Osylaısha, sarapshy-maman K. Ábdimomynovanyń qorytyndysy boıynsha, 17 dana mobıldi vıtrınalardyń quny men qarjylyq esepte kórsetilgen shyǵystar arasyndaǵy aıyrmashylyq 35 mln 891 myń 3 teńgeni qurady.
«Mýzeı vıtrınalarynyń qunyn anyqtaý úshin sarapshy-maman K. Ábdimomynova (bul taýar QR naryǵynda serııalyq óndiris taýary emestigin, sondyqtan onyń ortasha naryqtyq qunyn anyqtaý múldem múmkin emestigin túsinip), 18 dana»TIANJIN WANGDA«mýzeı vıtrınalarynyń kedendik deklaratsııasyn negizge alǵan jáne olardyń qunyn 24 mln 678 myń 700 teńge etip kórsetken. Áıtse de, shyǵystar smetasyna, tehnıkalyq erekshelikke jáne qarjylyq esepke sáıkes, olardyń quny 132 mln 636 myń teńge mólsherinde kórsetilgen. Osylaısha, 2022 jylǵy 4 mamyrdaǵy № 68-P qorytyndysyna sáıkes, 18 dana mýzeı vıtrınalarynyń quny men jumystar men qyzmetterdi jetkizýshiniń qarjylyq esebinde kórsetilgen shyǵystar arasyndaǵy aıyrmashylyq – 107 mln 958 myń teńgeni qurady», - deıdi M. Tóleev.
Sonymen birge, Sybaılas jemqorlyqqa qarsy is-qımyl agenttiginiń elordalyq departamenti anyqtaý organynyń ókili A. Tólendıev»Memlekettik satyp alý týraly«shart boıynsha kórme vıtrınalary qunynyń aýytqýyn anyqtaý úshin 2022 jyly 4 mamyrda»Aýdıt-Damý«JShS aýdıtorlyq fırmasymen shart jasasqan.
»Damý«JShS aýdıtory A. Maýtqanov naqty qorytyndylar boıynsha óz esebinde K. Ábdimomynovanyń 04.05.2022 jylǵy qorytyndysyn qaıtalap, 2020 jylǵy 20 qarashadaǵy №2 atqarylǵan jumys aktisi boıynsha tapsyrys berýshige jetkizilgen 35 dana kórme vıtrınalary qunynyń aıyrma somasyn 178 112 563.00 teńge dep belgiledi jáne K. Ábdimomynova 2022 jylǵy 4 mamyrda № 68-P qorytyndysynda jazǵan 31 mln 263 myń 201 teńge 55 tıyn 146 mln 849 myń 361 teńge 45 tıyndy qurady.
»Damý«JShS 2022 jylǵy 20 maýsymdaǵy kezekti esebinde»Eksponat«JShS-niń is júzinde oryndamalmaǵan operatsııalary, onyń ishinde jalǵan qyzmet kórsetý jáne tapsyrys berýshige jiberilgen taýarlar boıynsha shyǵystarynyń somasy 221 mln 411 myń 730 teńge ekeni kórsetilgen.
«Joǵaryda kórsetilgen qarama-qaıshy jaǵdaıǵa súıene otyryp, tergeý organy tyǵyryqqa tirelip, QІJK 112-baby 1-tarmaǵynyń 1-tarmaqshasynyń jáne 2-bóliginiń normalarynda tyıym salynǵan aldaý men jańylystyrýdyń zańsyz ádisterine júgindi jáne qun aıyrmashylyǵy boıynsha A. Muhamedıulynyń qatysqany týraly kem degende janama dálelder alý maqsatynda ergeýshi A. Tájibaev A. Muhamedıulynyń jubaıy G.N. Ysqaqovany Astana qalasy Esil aýdanynyń ІІB esep aıyrysý shotyna 111 mln 271 myń 300 teńge salýǵa úgittegen. Muny tergeý barysynda qamaýǵa alynǵan A. Muhamedıulynyń keltirilgen materıaldyq zalaldy óteý úshin óz erkimen bergendeı etip kórsetkisi kelgen. Keıinnen G. Ysqaqova kórsetilgen aqsha somasyn Astana qalasynyń»Esil«aýdanynyń memlekettik kirister basqarmasyna aýdaryp, aldanǵanyn túsinip, Memlekettik kirister komıtetine 111 mln 271 myń 300 teńgeni qaıtarý týraly ótinishpen júgingen», - deıdi advokat.
Astana qalasynyń Sybaılas jemqorlyqqa qarsy is-qımyl departamentiniń málimetinshe, G. Ysqaqova kúdikti A. Muhamedıulynyń memleketke keltirgen materıaldyq zalalyn óteý úshin 111 271 300 teńgeni erikti túrde aýdarǵan. Endi G.Ysqaqova bul qarajatty qaıtarýdy surap otyrǵanymen, agenttik ony qaıtarýǵa negiz joq ekeni aıtyp otyr.
«Aıtylǵandardy eskere otyryp, sottan G. Ysqaqovaǵa jeke tıesili 111 mln 271 myń 300 teńgeniń taǵdyryn sheshýdi suraımyn. Tergeý organy olardy aldaý jáne protseske qatysýshylardy adastyrý arqyly ıemdenýine baılanysty, olardy neke kezeńinde paıda tapqan erli-zaıyptylardyń birlesken ortaq menshigi dep tanyp, A. Muhamedıulynyń úlesin aıqyndap nemese tolyq kólemde qaıtarý týraly qaýly shyǵarýdy suraımyn. Óıtkeni bul soma týraly aıyptaý aktisiniń mátininde olardyń shyǵý tegi men maqsaty týraly birde-bir sóz jáne qorytyndy aıtylmaǵan», - dedi qorǵaýshy.
Kelesi sot otyrysy 25 sáýirge tańǵy saǵat 9:30-ǵa belgilendi.
