Arystanbek Muhamedıulynyń bir sybaılasy bostandyqqa shyqty

Ulttyq mýzeıdiń burynǵy dırektory Arystanbek Muhamedıulynyń isi boıynsha sybaılastardyń biri Aıym Sádýaqasova sot sheshimimen bosatyldy, dep habarlaıdy QazAqparat tilshisi.

«Astana qalasynyń qylmystyq ister jónindegi aýdanaralyq sotynyń 2023 jylǵy 20 maýsymdaǵy Aıym Sádýaqasovaǵa qatysty úkimi ózgertilsin. QR Qylmystyq kodekstiń 74-babynyń 1-bólimine sáıkes, Qylmystyq kodekstiń 2-tarmaǵynyń 5-babynyń 28-baby jáne 189-baby 4-bóligi boıynsha taǵaıyndalǵan 7 jyl bas bostandyǵynan aıyrý jazasyn óteý 5 jylǵa keıinge qaldyrylsyn» - dedi sýdıa Murat Soltybaev.

Sýdıanyń aıtýynsha, Aıym Sádýaqasova 5 jylǵa bosatylyp, sodan keıin sot taǵaıyndaǵan jazany óteıdi.

«A. Sádýaqasovaǵa qatysty bultartpaý sharasy joıylsyn, qamaýdan dereý bosatylsyn. Aıym Sádýaqasovany úkim zańdy kúshine engennen keıin 1 kún merzimde turǵylyqty jeri boıynsha probatsııa qyzmetine esepke qoıý úshin kelýge mindettesin», - deıdi ol.

Eske salaıyq, bıyl 20 maýsymda Arystanbek Muhamedıulynyń syblaılastary Aıym Sádýaqasova, Almaz Nurazhan jáne Azamat Kóshenov sot sheshimimen 7 jylǵa sottalǵan edi.

Aıta ketsek, jańa ǵana apellıatsııa Arystanbek Muhamedıulyna shyqqan úkimdi ózgerissiz qaldyrǵany belgili boldy.