Arystanbek Muhamedıulynyń bastamasyna bolashaq ofıtserler ún qatty
ASTANA. QazAqparat - Shyraqbek Kabylbaev atyndaǵy QR Іshki ister mınıstrliginiń Akademııasy Mádenıet jáne sport mınıstri Arystanbek Muhamedıulynyń bastamasyna qosyldy. Akademııa «Street Workout KZ» respýblıkalyq konkýrsyna qatysý úshin komandalyq beınejazba túsirgen, dep habarlaıdy QazAqparat tilshisi.
Akademııa Qostanaı qalasynda ornalasqan. 1971 jyldan beri bolashaq ofıtserlerdi oqytý jáne daıyndaý boıynsha eń mańyzdy oqý oryndarynyń biri sanalady.
«Іshki ister Akademııasy Mádenıet jáne sport mınıstri Arystanbek Muhamedıulynyń shaqyrýyn qoldaıdy jáne biz barlyq qazaqstandyqtardy osy is-sharaǵa qatysýǵa shaqyramyz», - dep atap ótti Akademııanyń bastyǵy general-maıor Mırlan Qyzylov.
Eske sala ketsek, «Street Workout KZ» aktsııasyn QR Mádenıet jáne sport mınıstri Arystanbek Muhamedıuly bastap bergen bolatyn. Arystanbek Muhamedıuly jobany ózi bastap, «Street Workout KZ» baıqaýyn - Olımpıada chempıony Serik Sápıevke, tanymal ánshi Qaırat Nurtasqa, tanymal qazaqstandyq akter Ádil Ahmetovqa joldaǵan edi.
Keıin mınıstrdiń bastamasyna boksshy Baqtııar Artaev pen taekvondoshy Arman Chılmanov qosyldy.
Aktsııany keıin Atyraý oblystyq dene shynyqtyrý jáne sport basqarmasynyń basshysy Azamat Beket Arman Chılmanovtan qabyldap, Sochı Olımpıadasynyń júldegeri, mánerlep syrǵanaýshy Denıs Ten jáne bokstan álem chempıony Galıb Djafarovpen birge beıne-úndeý túsirdi. Rolıkte sportshylar barlyq qazaqstandyqtardy street workout-pen aınalysýǵa shaqyrdy.
Aıta keterligi, buǵan deıin atalǵan aktsııaǵa Qanat Islam da atsalysyp, estafetany dál osy Ardaq Nazarovqa joldaǵan edi. Ardaq Nazarov óz kezeginde ony qazaqtyń úsh «batyryna»tapsyrdy.
Sportshylarmen birge estrada juldyzdary da, sheteldegi qazaq stýdentteri de belsendi túrde qatysýda.
Aıta keterligi, konkýrsqa qatysa otyryp, kez kelgen adam óziniń qalasy nemese aýyly úshin StreetWorkout arnaıy alańyn, sondaı-aq aqshalaı syılyqty utyp ala alady. Baıqaýdyń sharttary «Challenge Street Workout KZ» saıtynda ornalastyrylǵan. Baıqaý 10 maýsymǵa deıin jalǵasady.
