Arystanbek Muhamedıuly reseılik «Golos. Detı» baıqaýyndaǵy daýǵa qatysty pikir bildirdi
Eske sala ketsek, birneshe kún buryn Reseıdiń birinshi arnasynyń «Golos. Detı» konkýrsynyń sýperfınalynda Erjan Maksım án shyrqap, ekinshi oryn ıelengen bolatyn.
Alaıda kóp ótpeı «Golos. Detı» konkýrsynyń qorytyndysyna baılanysty daý týyndady. RBK málimetine qaraǵanda, Reseıdiń birinshi arnasy ánshi Alsý men bankır ıAn Abramovtyń on jasar qyzy Mıkella Abramova jeńimpaz dep tanylǵan fınaldaǵy daýys berý qorytyndysyna baılanysty tekserý júrgizbekshi.
Daýys berý qorytyndysy shyqqannan keıin túrli elderdiń kóptegen kórermenderi narazylyq bildirip, qaıta esepteýdi talap etti. Ataqty shoýmen Maksım Galkın de Instagramdaǵy paraqshasyna vıdeo júktep, óz pikirin bildirdi.
Al búgin Erjandy qabyldaǵan Mádenıet jáne sport mınıstri Arystanbek Muhamedıuly da osy daýǵa qatysty oıyn aıtty.
«Ár konkýrstyń ereksheligi bar. Bizde úlken jetistikter jeterlik. Árıne, ekinshi oryn emes, Erjannyń birinshi oryn alǵanyn bárimiz qalaımyz. Biraq, bizde basqa da konkýrstarǵa qatysyp jatqan qatysýshylar bar. Mysaly, vokaldan Saltanat Ahmetova Reseıdegi «Bolshoı proekt» degen konkýrsta operadan gran-prı aldy. Sol sekildi, Bahtııar Adamjanov degen bıshi jigit jylyna eki-úsh konkýrsqa baryp, mindetti túrde gran-prı ákelip júr. Jaqyn arada Italııadaǵy úlken baıqaýda álemniń eń úzdik 15 bıshisi shaqyryldy. Sonda Bahtııar taǵy da birinshi boldy. Sol sekildi, Erjannyń ekinshi orny de óte joǵary jetistik», - dedi mınıstr.
