Arystanbek Muhamedıuly Ózbekstandaǵy kóne mýzyka festıvaline qatysty
Festıvalǵa 75 elden júzdegen mýzykanttar men myńdaǵan týrıster qatysty.
«Forýmnyń ashylýy saltanatynda osy sharanyń ótýine yqpaldyq etip, qoldaý kórsetken Ózbekstan Respýblıkasynyń Prezıdenti Shavkat Mırzıeev sóz sóıledi. Ózbek eliniń basshysy Qazaqstanǵa degen qurmetin aıryqsha atap ótti, jyly lebizi úshin rııasyz rızashylyǵymdy bildirgim keledi», - dep jazdy Arystanbek Muhamedıuly.
Ol ózbek halqynyń Makom óneri týraly jıynnyń ereksheligine aınalǵanyn aıtyp ótti
«Makom óneri Halyqaralyq forýmy qazir qyzý jumys ústinde. Osy forýmnyń ereksheligine aınalǵan Makom oryndaý - Ortalyq Azııada kóne zamanda týyndap, qazirgi Tájikstan men Ózbekstan jerlerinde ári qaraı damyp kele jatqan án men aspap mýzykasynyń árkelki túri. Makom adamzattyń materıaldyq emes murasy tizimine engenin de aıta ketken abzal», - dedi Arystanbek Muhamedıuly.
Sondaı-aq ol týrısterdi tartýda kórshi elder mádenıetteriniń etnıkalyq erekshelikterin usynǵan.
«Birneshe kún buryn týysqan qyrǵyz halqy da joǵary deńgeıde uıymdastyrǵan Álemdik kóshpendiler oıyndaryna qatystym, aıtaıyn degenim, Sholpan-Atada da, Shahrısabzda da bizdiń áriptester týrısterdi tartýdy búkil álem yqylas tanytatyn óz mádenıetteriniń etnıkalyq erekshelikteri, ortaazııalyq kolorıti arqyly jol tapqan.
Máselen, Oqsaroı alańynda makomǵa qatysty túrli kórmeler uıymdastyrylǵan, ulttyq aspaptar, qolóner, sýret jáne qoldanbaly óner týyndylary, músinder, kitap, albomdar satylýda. Sony qyzyǵa aralap, saýdalasyp, jaqyndaryma syıkáde alyp, shyǵystyń qaıtalanbas ereksheligin sezindim. Shahrısabzdyń týrıstik potentsıaly ony Samarqand, Buqara, Hıýa qalalarynyń qataryna jetkizetinine senimdimin. Al biz, árıne, birtutas ortaazııalyq týrızmniń damýyna múddelimiz jáne osy baǵyttaǵy jumysymyzdy ári qaraı jalǵastyramyz!», - dedi Arystanbek Muhamedıuly.
Foto:www.press-service.uz
