Arystanbek Muhamedıuly Qoblan Mýsınniń týǵan-týystaryna kóńil aıtty
«Qazaq óneri darynymen eldi baýraǵan sańlaǵynan aıyryldy... Ataqty mýzykant, kompozıtor, aty ańyzǵa aınalǵan «Jetigen» ansambliniń solısi Qoblan Mýsın 67 jasynda mezgilsiz qaıtys boldy. Qoblan Qapanulyn jaqyn tanıtyn, tyǵyz qarym-qatynasta bolǵan adam retinde qaraly habardy zor kúızelispen qabyldap, otbasyna, týǵan-týystaryna, úzeńgiles áriptesterine qaıǵyra kóńil aıtamyn», - dep jazdy mınıstr feısbýk paraqshasynda.
Mınıstrdiń jazýynsha, Qoblan Mýsın boıyna keń dalanyń darhandyǵyn sińirgen, jasandylyqtan ada, Saryarqanyń samal jelindeı jelpigen tazalyǵy bar ádemi jan, shynaıy ónerimen tyńdaýshysyn baýraı biletin has sheber edi.
«Onyń umytylmas shyǵarmalary, «V nashem parke zıma» syndy áni tyńdarmanǵa tanymal, kóńilge jaqyn boldy. Kóp jyldar boıy Qoblan Qapanuly Nurǵısa Tilendıev atyndaǵy «Otyrar sazy» orkestrinde qyzmet atqardy. Qazaqstannyń ánshilik óneri tarıhynda Qoblan Mýsınniń shyǵarmashylyǵy dara jol bolyp saqtalyp, onyń jarqyn beınesi el esinde máńgi qalady», - dep jazdy mınıstr.
Qoblan Mýsınmen qoshtasý rásimi 2 sáýir kúni saǵat 10:00 men 11:00 aralyǵynda QR Prezıdenti Іsteri basqarmasy ortalyq klınıkalyq aýrýhanasynyń qaraly zalynda bolady. Mekenjaı: Almaty, Panfılov kóshesi, 139, Jambyl kóshesiniń qıylysy.
Eske sala ketsek, «Jetigen» ansambliniń solısti, belgili mýzykant, kompozıtor Qobylan Mýsınniń 67 jasynda qaıtys bolǵany buǵan deıin habarlanǵan edi.
