Arystanbek Muhamedıuly «Qazsport» telearnasyn 5 jyldyǵymen quttyqtady
Bul týraly QR Mádenıet jáne sport mınıstrliginiń baspasóz qyzmetinen habarlady.
Qurmetti «Qazsport» arnasynyń ujymy! Sport salasyn nasıhattap júrgen elimizdiń jalǵyz arnasyna búgin 5 jyl tolyp otyr. «Qazsport» qysqa ýaqytta óziniń turaqty kórermenin tapty. 5 jyldyń ishinde myńdaǵan sporttyq sharadan tikeleı kórsetilimder, Olımpıada, Azııa oıyndarynan reportajdar jasaldy. Qalyń buqara «Qazsport» arnasy arqyly elimizdiń sport salasyndaǵy tarıhı jeńisterge kýá boldy», - dedi mınıstr.
Arystanbek Muhamedıuly sport dese ishken asyn jerge qoıatyn qazaq kórermeni boksty álemdik brendke aınaldyrǵan Gennadıı Golovkınniń de oıynyn «Qazsport» arnasy arqyly tańmen talasa oıanyp tamashalaıtynyn atap ótti.
«Búgini men erteńin sportpen baılanystyrǵan telearnanyń ǵumyry uzaq bolyp, árbir shańyraqta «Qazsport» arnasy qosýly bolsyn!» - dedi mınıstr quttyqtaýynda.
