Arystanbek Muhamedıuly: Qazaqstanda jazýshy bolý tıimsiz

ASTANA. QazAqparat - QR Mádenıet jáne sport mınıstri Arystanbek Muhamedıuly Qazaqstanda jazýshy bolý tıimsiz dep esepteıdi. Bul týraly mınıstr QR Parlamenti Májilisinde ótken Úkimet saǵatynda málimdedi, dep habarlaıdy QazAqparat tilshisi.

«Qazirgi ýaqytta jazýshy bolý tıimsiz. Bir jyldyq eńbegi úshin olar 350 myń teńge ǵana ala alady (...) Bizdiń basty mindetimiz - jazýshylarymyzdyń shyǵarmasyn halyqaralyq deńgeıge shyǵarý. Jaqyn arada «Rýhanı jańǵyrý» baǵdarlamasy men BUU 6 tiline aýdarý arqyly otandyq jazýshylardyń álemdik aýqymdaǵy orny nyǵaıatynyna senimdimin», - dedi mınıstr.

Eske sala ketsek, «Bolashaqqa baǵdar: Rýhanı jańǵyrý» baǵdarlamalyq maqalasynda Memleket basshysy «Jahandaǵy zamanaýı qazaqstandyq mádenıet» jobasyn júzege asyrýdy tapsyrǵan edi.

«Bul joba neni kózdeıdi? Birinshi, otandyq mádenıet BUU-nyń alty tili - aǵylshyn, orys, qytaı, ıspan, arab jáne frantsýz tilderinde sóıleýi úshin maqsatty ustanym bolýy shart. Ekinshi, ol búgingi qazaqstandyqtar jasaǵan jáne jasap jatqan zamanaýı mádenıet bolýǵa tıis. Úshinshi, mádenı qazynalarymyzdy álem jurtshylyǵyna tanystyrýdyń múldem jańa tásilderin oılastyrý kerek. Mádenı ónimderimiz tek kitap túrinde emes, ártúrli mýltımedıalyq tásildermen de shyqqany abzal», - dep atap ótti Nursultan Nazarbaev «Egemen Qazaqstan» gazetinde jaryq kórgen maqalasynda .