Arystanbek Muhamedıuly Qazaqstan bıatlonshylarynyń jarystan shettetilýine qatysty pikir bildirdi
«Bıatlonǵa qatysty bir jyl buryn keleńsiz oqıǵa bolǵan. Biraq, tekseris barysynda dopıngke qatysty eshqandaı medıtsınalyq normatıvter buzylmaǵany anyqtaldy. Basshylar ótken sharalarǵa álbette, revızııa jasaýda. Odan mazalanatyn túk joq. Qazir bizdiń zańgerler tıisti jumysty júrgizýde. Árıne, naqty sharalar bar. Meniń oıymsha, jaqyn arada Halyqaralyq bıatlon federatsııasy óz sheshimin shyǵarady. Dopıngke qatysty tártip buzýshylyq joq», - dedi Arystanbek Muhamedıuly Úkimettiń baspasóz ortalyǵynda ótken brıfıng barysynda.
Eske sala ketsek, ótken aıda Halyqaralyq bıatlonshylar odaǵy IBU Qazaqstan quramasynyń bıatlonshylaryn ýaqytsha shettetý týraly qaýly shyǵarǵan bolatyn. Belgili bolǵandaı, 2017 jyldyń qańtar aıynda bıatlonnan Qazaqstan quramasy Italııanyń Anholts qalasynda ótken Álem Kýbogynyń kezeńine qatysqan. Sol jyldyń 20 qańtarynda dopıngti qoldandy degen kúdikpen Italııanyń Boltsano provıntsııasynyń polıtsııasy men prokýratýrasy jospardan tys Qazaqstan quramasynyń jattyqtyrýshylary men sportshylarynyń nómirlerine tintý júrgizgen. «Atalmysh sharaǵa Qazaqstan komandasyna tıesili qoqys konteınerlerine laqtyrylǵan medıkamentter qorapshasy sebep bolyp otyr.
Úkimettiń baspasóz ortalyǵynda Arystanbek Muhamedıuly sondaı-aq, jyldyń basynda Ońtústik Koreıanyń Phenchhan qalasynda ótken qysqy Olımpıadada sportshylar kóbirek medal alýǵa baryn salǵanyn atap ótti.
«Biraq, ókinishke qaraı tek ıÝlıı Galysheva ǵana qola medal aldy. Poltoranınge úmit artqan edik. Biraq, bul rette bir jetistikti atap ótý kerek: biz atalmysh saıysqa óte kóp lıtsenzııa utyp aldyq. Ol Olımpıadaǵy, sonymen birge, birde-bir sheteldik sportshyny tartqan joqpyz. Bári de Qazaqstannan», - dedi ol.
Mınıstr qysqy Paralımpıada oıyndarynan altyn medal enshilegen Aleksandr Kolıadınniń eńbegin erekshe atap ótti.
«Bizde qabyldaý ártúrli me deımin... Eger negizgi saıystan sportshy júlde alsa bir bólek te, paralımpıadashy bolsa jetkilikti nazar aýdarylmaıtyn sekildi. Bul da úlken jetistik emes pe!? Kolıadın eń joǵarǵy birden-bir jetistikke jetip, tarıhymyzda tuńǵysh ret altyn medal aldy. Al biz ony eleı bermeıtin sııaqtymyz. Sondyqtan, qurmetti áriptester, biz jaǵdaıǵa shynaıy qaraýymyz kerek. Adamdy saý jáne múgedek dep bólmeýge tıispiz. Kerisinshe, qysqy Paralımpıada oıyndarynda altyn medal alǵanymyzdy maqtana aıtýymyz kerek. Bul baǵyttaǵy jetistiktermen toqtap qalmasymyz anyq. Alǵa qaraı jyljı beremiz», - dedi mınıstr.
