Arystanbek Muhamedıuly Qanat Islamǵa shapan japty
«Patrık Alloteıa syndy tájirıbeli boksshyny jeńý bárimizge qýanysh syılady. Men Qanat Islam baýyrymyzǵa alǵys aıtamyn. Jekpe-jekti 10-nan astam halyqaralyq televızııalyq kompanııa translıatsııalady. Bul - Qazaqstannyń halyqaralyq sport derjavasy atanǵandyǵynyń bir dáleli», - dedi mınıstr.
Óz kezeginde Qanat Islam aldaǵy jarystarda da qazaqtyń abyroıyn asqaqtata berýge ýáde etti.
«Men úshin bul úlken abyroı. Qazaqstandyqtarǵa osyndaı bir jaqsy kesh syılaı alǵanyma, bizdiń artymyzdan ósip kele jatqan qalyń qazaqtyń jastaryna úlgi kórsete alǵanyma myń da bir shúkir. Amerıkada ótip jatqan keremet keshterden artyq bolmasa, kem emes. Alda áli úlken jarystar, beldesýler bar. Áli de Qazaqstannyń abyroıyn asqaqtatamyz degen oı bar, ol bizdiń mindetimiz», - dedi Qanat Islam.
Eske sala keteıik, qazaqstandyq kásipqoı boksshy Qanat Islam (22-0-0-18) Almatyda ótken boks keshinde ganalyq boksshy Patrık Alloteıany 12 randtyq jekpe-jekte jeńgen bolatyn. Bul jeńispen birge oǵan birinshi jartylaı salmaqtaǵy WBA Fedelatin jáne WBO Intercontinental tıtýldary berildi.
