Arystanbek Muhamedıuly: «Ázirge Ilıa Ilındi aıtyptaý - orynsyz» (VIDEO)

ASTANA. QazAqparat - «Halyqaralyq Olıpıada komıtetinen dopıngke baılanysty resmı hat kelgen joq. Sondyqtan ázirge Ilıa Ilındi aıtyptaý orynsyz». Elimizdiń Mádenıet jáne sport mınıstri Arystanbek Muhamedıuly eldi shýlatqan dopıng máselesine qatysty búgin osyndaı pikir bildirdi, dep habarlady 24.kz.

Mınıstrdiń aıtýynsha, Halyqaralyq Olımpıada komıteti Qazaqstannyń Ulttyq olımpıada komıtetine dopıng-testtiń nátıjesi jazylǵan resmı qaǵaz jiberýi tıis. Al orta joldan aqparat taratqandardyń sózine qatysty tergeý bastalǵan. Sondyqtan onyń qorytyndysyn kútý kerek.

«Máseleniń aq-qarasy ajyratylmaı, dattaýǵa da, jaqtaýǵa da bolmaıdy. Dopıng baqylaýǵa baılanysty sizderde mynandaı, mynandaı azamattarda qaýip bar degen aqparat keledi. Sol kezde ǵana biz iske kirisemiz», - dedi mınıstr.