Arystan serigin qoltyraýynnan qutqaryp qaldy
ASTANA. QazAqparat - Vıdeojazbany Botsvan jáne Namıbı shekaralaryndaǵy Lınıantı ózeni aýdanyna safarıge shyqqan týrıster túsirgen. Sý iship turǵan eki arystandy ańǵarǵan týrıster kameralaryn iske qosqan.
Artynsha kishirek arystan sýǵa túsip ózendi kesip ótpek bolady, úlken serigi de sońynan ilesedi. Alaıda ekeýi ózenniń ekinshi jaǵyna óte almady: bir shetten shyǵa kelgen qoltyraýyn kishkentaı arystanǵa tarpa bas salady. Úlkeni dereý kómekke kelip, toıtarys beredi. Kishkentaı arystan Botsvan jaǵasyna jalǵyz ózi oraldy, al onyń qorǵaýshysy qoltyraýynmen sý astyna batyp ketti. Týrıster alǵashynda arystandy qoltyraýynmen shaıqasta óldi dep oılady.
Alaıda birazdan soń olar arystannyń ózen jaǵasyndaǵy qamystardyń arasynan shyǵyp kele jatqanyn ańǵardy. Týrısterdiń alystan baqylaǵanyndaı eki ań da esh jaralanbaǵan.
