«Arystan» lıtseıi bolashaǵyn áskerı qyzmetpen baılanystyratyndar mektebi - Qorǵanys mınıstri

ASTANA. QazAqparat - QR Qorǵanys mınıstri Serik Ahmetov Almaty garnızonyna jumys saparymen bardy, dep habarlady atalmysh vedomstvonyń baspasóz qyzmeti.

Mınıstr qorǵanys-ónerkásiptik keshenniń kásiporyndaryn, arnaýly maqsattaǵy áskerı bólimderdi aralady.

S. Ahmetov sondaı-aq, «Arystan» mamandandyrylǵan lıtseıinde bolyp, bilim berý mekemesiniń ekinshi túlekteri bolǵaly otyrǵan tárbıelenýshilerdi saltanatty shyǵaryp salý is-sharasyna qatysty.

«Arystan» lıtseıi shyn máninde óz bolashaǵyn áskerı qyzmetpen baılanystyratyndar, Qarýly Kúshterdiń kadrlyq ofıtseri bolýdy, týǵan eliniń qaýipsizdigin nyǵaıtýǵa úles qosýdy armandaıtyndarǵa arnalǵan mektep bolyp tabylady», - dep atap ótti Qorǵanys mınıstri tárbıelenýshilerge arnaǵan sózinde.