Arystaǵy jarylystar kezinde adasqan 177 bala ata-anasymen qaýyshty

NUR-SULTAN. QazAqparat - Arystaǵy jarylystar kezinde adasqan 177 bala ata-anasymen qaýyshty. Mundaı qýanyshty habarmen Túrkistan oblysy ákiminiń keńesshisi Sáken Qalqamanov Facebook-tegi paraqshasynda bólisti, dep habarlaıdy QazAqparat tilshisi.

«Qudaıǵa shúkir, 177 balany ata-analary tapty. Jumys jalǵasyp jatyr», -dep jazdy Sáken Qalqamanov.

Buǵan deıin Túrkistan oblysy Arys qalasyndaǵy tótenshe jaǵdaıda adasqan balalardyń sýreti oblystyq ákimdik saıtyna jarııalanyp otyratyndyǵyn habarlaǵan edik.