Arystaǵy jarylystan zardap shekken 3 naýqas áli aýrýhanada jatyr
QR Densaýlyq saqtaý mınıstri Eljan Birtanov BAQ ókilderiniń suraqtaryna jaýap bere otyryp, osyndaı málimet aıtty.
«Arystaǵy tótenshe jaǵdaı kezinde jaralanǵandardyń basym bóligi jazylyp shyqty. Qazir 3 naýqas qana aýrýhanada jatyr. Bireýi - Almatyda, taǵy bireýi - Shymkentte, úshinshisi Nur-Sultan qalasynda jatyr. Almaty men Shymkenttegi ekeýdiń jaǵdaıy ońalyp keledi. Meniń oıymsha, jaqynda jazylyp shyǵady. Al Nur-Sultan qalasyndaǵy balanyń jaǵdaıy ózgerissiz», - dedi ol.
Vedomstvo basshysy qazir komada jatqan Aıan Sháripbaevty sheteldik mamandar da qaraǵanyn aıttty.
«Jaqynda elimizge sheberlik saǵatyna kelgen sheteldik neırohırýrg mamandarǵa da kórsettik. Ókinishke qaraı, jaǵdaıy áli ózgerissiz, óte nashar deýge bolady. Bizdiń tarapymyzdan qajetti em-sharanyń bári uıymdastyrylyp jatyr», - dedi mınıstr.