Arystaǵy jarylystan zardap shekken 2 saper aýrýhanadan shyqty

ARYS. QazAqparat – Arys qalasyndaǵy tótenshe jaǵdaıdy joıý barysynda zardap shekken eki áskerı qyzmetshi Áskerı-klınıkalyq gospıtalden shyǵarylyp, Almatydaǵy ózderiniń áskerı bólimderine ornalastyryldy. Bul jaıynda QR Qorǵanys mınıstrliginiń baspasóz qyzmetinen málim etti, dep habarlaıdy QazAqparat tilshisi.

Medıtsınalyq mekeme málimetinshe, emdelýshiler áskerı-dárigerlik komıssııadan ótken. Qazirgi kezde olardyń jaǵdaıy jaqsy. Gospıtaldan shyǵarylǵan áskerı qyzmetshiler tolyqtaı qalypqa kelgenge deıin áskerı qyzmettik mindetinen bosatyldy.

Qazirgi kezde qalǵan 8 áskerı qyzmetshi Almaty qalasyndaǵy áskerı gospıtalde em alyp jatyr. Áskerı dárigerler olardyń jaǵdaıyn birqalypty dep baǵalaýda. Áskerı-klınıkalyq gopıtal bastyǵy, medıtsınalyq qyzmet polkovnıgi Samat Sársenovtiń aıtýynsha, qajetti aspaptyq zerthanalyq-dıagnostıkalyq tekserýler júrgizilip, josparly em qabyldaý jalǵasýda.

Buǵan deıin habarlaǵanymyzdaı, 21 qyrkúıekte arnaıy top Arys qalasynan 60 shaqyrymda ornalasqan arnaıy-jabdyqtalǵan polıgonnyń aýmaǵynda shetel sarapshylarynyń nuysqaýlary men usynymdaryna sáıkes, josparly jarý jumystaryn júrgizdi.

Jumys barysynda jarylys shuńqyrynyń túbinde qol granatasynyń tutandyrǵysh bóliginde jarylys boldy.