Arystaǵy jarylys: Shuǵyl jeli jumys isteı bastady
Shymkent qalasynyń TJD turǵyndar úshin qaýyrt jeli ashylǵanyn habarlady.
«Arys qalasynda bolǵan jaǵdaıǵa baılanysty Shymkent qalasy TJ departamentinde «Qaýyrt jelisi» jumys jasaıdy. Táýlik boıy 8/7252/44-94-72 nemese 8/7252/35-33-66 telefon nómiri boıynsha siz qajetti aqparatty ala alasyzdar»,- delingen habarlamada.
Sonymen birge, áleýmettik jelide taralǵan vıdeoda Arystaǵy jarylystyń saldarynan turǵyndar údere kóship jatqany aıtylady. Onda Arystyń aınalasyndaǵy aýyl turǵyndary da qalaǵa qaraı aǵylyp, joldarda kólikter kóbeıip ketken soń, jol patrýldik polıtseıleri kólik qozǵalysyn retteýge kóshken. Sebebi, Arysqa qaraı jedel járdem qyzmeti men órt sóndirý qyzmeti kóptep jiberilýde.
Eske salsaq, Arys qalasyndaǵy áskerı bólimniń qoımasynda jarylys bolǵandyǵy týraly habarlaǵan bolatynbyz.
