Arystaǵy jarylys: Almaty oblysynda kásipker óz keńsesinen arnaıy shtab qurdy

TALDYQORǴAN. QazAqparat - Almaty oblysynyń turǵyndary Arystaǵy aǵaıynmen birge. Jetisýlyqtar qaıyrymdylyq sharalaryn bastap, jarylystardan zardap shekkken azamattarǵa qol ushyn sozýǵa daıyn, dep habarlaıdy QazAqparat tilshisi.

Almaty oblysyndaǵy memlekettik qyzmetshiler, vedomstvalyq jáne bıýdjettik mekeme jumysshylary Arys turǵyndaryna qoldaý kórsetý maqsatynda bir kúndik jalaqysyn aýdarady. Sondaı-aq óńirde #JetisýAryspenBirge heshtegi aıasynda túrli qaıyrymdylyq aktsııalary uıymdastyrylatyn bolady.

Arys turǵyndaryna qoldaý kórsetýde Taldyqorǵan kásipkerleri de belsendilik tanytýda. Dáýren Talıpov esimdi kásipker arnaıy esepshot ashyp, barsha azamattardy belsendi bolýǵa shaqyrdy.

«Túrkistan oblysy Arys qalasynda bolǵan tótenshe jaǵdaıǵa baılanysty barlyq azamattardy atalmysh qala turǵyndaryna qoldaý bildirip, kómek kórsetýge shaqyramyz. Jınalǵan qarajat qajetti azyq-túlik, dári-dármek jáne t.b. Arys qalasynyń turǵyndaryna jumsalady», - dedi ol óziniń Facebook-tegi paraqshasynda.

Kásipker óz keńsesinde arnaıy shtab quryp, qyzmetkerlerine barlyq kelip túsken materıaldyq kómekti tirkeýge tapsyrdy. Dáýren Talıpov jınalǵan zattar men qarajat juma kúni Arysqa jiberiletinin jetkizdi.