Arystaǵy jaǵdaıǵa baılanysty Shymkentte arnaıy shtab quryldy
Shtab quramynda Shymkent qalalyq bilim basqarmasy, tsıfrlyq basqarma, kəsipkerlik basqarmasy, jolaýshylar kóligi jəne avtomobıl joldary basqarmasy, Ulttyq ulannyń 6506 əskerı bólimi, Qazaqstan temirjoly, tótenshe jaǵdaılar departamentiniń ókilderi jáne psıholog mamandar bar.
Tsıfrlyq basqarma əleýmettik jeliler men vatsapta balabaqshadan bólek evakýatsııalanǵan balalardy ata-anasymen tabystyrý maqsatynda belsendi jumys jasap jatyr.
Tótenshe jaǵdaılar basqarmasy 15 beketke ystyq tamaq pen sýsyn jetkizip, kómekke muqtaj zardap shekkenderge psıhologııalyq, moraldy-materıaldy kómek kórsetýde.
«87252 44-94-72 nómirine tynym joq. Saǵat 9:30-dan keshki 18:00-ge deıin 2409 habarlama kelip túsken. Habarlama qaldyrýshylar negizinen balasyn izdegen ata-ana. Týystaryn, bir-birin izdeýshilerden bólek qaıda, qalaı ornalasý boıynsha da məlimet surap habarlasqandar bar. Mundaı qaýyrt jeli telefondary elimizdiń barlyq óńirlerinde jumys istep tur. Sondaı-aq, Shymkent qalasyndaǵy qaýyrt jelige Qazaqstannyń túkpir-túkpirinen jəne alys-jaqyn shetelderden habarlasyp jatyr. Məskeýden habarlasqan azamattar da bar»,-dep jazady ol.
Ulttyq ulannan (6506 əskerı bólimi) 541 sarbaz halyqty evakýatsııalaý, kómektesý, qaýipsizdigin qamtamasyz etý maqsatynda Arys qalasynda qyzmette júr.
Shymkent qalasy boıynsha 15 kóshirý-jınalý beketi quryldy.
Aıta keteıik, osyǵan deıin Túrkistan oblysynyń Arys qalasyndaǵy áskerı bólimniń qoımasynda jarylys bolǵandyǵyn habarlaǵanbyz.
Oqıǵa ornyna shuǵyl túrde Memleket basshysy Qasym-Jomart Toqaev jetip, jarylys aýmaǵynan evakýatsııalanǵan turǵyndarmen kezdesti.
