Arystaǵy tótenshe jaǵdaı saldarlaryn joıý qalaı júrgizilip jatyr
Mınıstrlik málimetinshe, qazirgi ýaqytta tótenshe jaǵdaı saldaryn joıý jumystaryna jeke quramnyń 2 400-den astam áskerı qyzmetshisi men 200-ge jýyq tehnıkasy jumyldyrylǵan. Qarýly kúshter quqyqtyq tártipti qamtamasyz etý jáne aýylishilik joldardy jabý úshin 12 beket ornatqan. Oǵan 100-den astam áskerı qyzmetshi jumyldyrylǵan. «Arlan» saýytty kóligimen qala úshin sholǵyndaý júrgizilýde. QR Qarýly kúshteriniń ınjener-saperleri jarylystar bolǵan aýmaqtan 20 shaqyrym radıýsta temir jol boıyn, qala ishin jarlyma qalǵan snarıadtardan tazalaý júrgizip jatyr. Bul jumysqa shamamen 55 mınadan tazartý tobynyń shamamen 550 áskerı qyzmetshisi tartylǵan. Áskerı polıtsııanyń 10 kınologııa toby da jumys isteýde.
«Búgingi kúni 5 700-den astam oq-dári fragmentteri tabylyp, shyǵaryldy. Ushqyshsyz ushatyn apparatty paıdalaný arqyly qarý-jaraq qoımalarynyń aýmaǵy jáne oǵan irgeles jerler áýeden barlanyp, olardyń aqparattary Tótenshe jaǵdaılar jónindegi jedel shtapqa berilip otyr. Osy kezeń aralyǵynda 13 ushý júzege asyryldy», - dep atap ótedi mınıstrikten.
