Arystaǵy temir jol deposy qoımasynan órt shyqty
ARYS. QazAqparat - Arys qalasynda temir jol deposy qoımasynan órt shyqty. Bul týraly Túrkistan oblysy ákiminiń keńesshisi Sáken Qalqamanov áleýmettik jelidegi paraqshasynda jarııa etti, dep habarlaıdy QazAqparat.
«Arys qalasyndaǵy temir jol deposynyń TChE 32 tsehynda órt shyqty. Barlyq órt sóndirý qyzmeti jalyndy aýyzdyqtaýǵa jumyldyryldy. Órtti sóndirýge TJQ jeke quramynan 55 adam men 8 tehnıka tartylǵan. Aldyn ala boljamdar boıynsha, órttiń shyǵýyna vagondardy jóndeý kezinde dánekerleý quralyn durys paıdalanbaý sebep bolǵan. Órtten qala turǵyndarynyń ómirine eshqandaı qaýip tónip turǵan joq. Tótenshe jaǵdaıdy mamandar baqylaýyna alǵan»,- dedi Sáken Qalqamanov.
