Arystaǵy qyz alyp qashý oqıǵasy boıynsha qylmystyq is qozǵaldy
ARYS. QazAqparat - Túrkistan oblysynda qyz alyp qashý deregi boıynsha polıtseıler sotqa deıingi tergep-tekserý amaldaryn júrgizýde, dep habarlaıdy QazAqparat oblystyq polıtsııa departamentine silteme jasap.
Eske sala keteıik, áleýmettik jelilerde bir top jas jigitterdiń qyzdy kólikke májbúrlep otyrǵyzyp, kúshpen alyp qashý oqıǵasy beınelengen vıdeo taraǵan bolatyn.
«Vıdeony teksergen polıtseıler oqıǵa Túrkistan oblysynyń Arys qalasynda oryn alǵanyn anyqtady. Qyzdyń anasy polıtseılerge aryzdanǵan. Qazirgi tańda qyz óziniń úıine, ata-anasyna oralǵan. Kúdiktiniń aıtýynsha, olar buryn bir synypta oqyǵan jáne qyzdy úılený maqsatynda alyp qashqan» delingen habarlamada.
Atalǵan derek negizinde QR QK 125-baby «Adam urlaý» boıynsha is qozǵaldy. Qazirgi tańda sotqa deıingi tergeý amaldary júrgizilýde. Polıtseıler bolǵan jaǵdaıdyń barlyq mán-jaıyn anyqtaýda.
