Arystaǵy kásipkerler 2020 jylǵa deıin salyqtan bosatylady

ARYS. QazAqparat - Arys qalasynda oblys ákiminiń tapsyrmasymen kásipkerlerge arnalǵan «Qamqor» baǵdarlamasy iske qosyldy, dep habarlaıdy QazAqparat oblys ákiminiń baspasóz qyzmetine silteme jasap.

5 mln teńgege deıin beriletin 1%-dyq jeńildetilgen kepilsiz nesıeniń ýaqyty - 4 jyl.

Qazirgi tańda Arystaǵy kásipkerlerdiń máselesin sheshý úshin «Atameken» kásipkerler palatasynan 25 qyzmetker kelip, 17 sektorǵa bólinip, qyzmet atqarýda. Olar 10 kún boıy tótenshe jaǵdaı saldarynan zardap shekken kásipkerlik nysandaryn baǵalap, tıisti somasyn eseptep shyǵady.

Jalpy, Arys qalasynda 346 kásipkerlik nysany tirkelgen. Sonyń ishinde 258 nysanǵa jarylys kezinde zaqym kelgen. 253 nysanǵa jóndeý jumystary júrgizilse, 5 nysan tolyqtaı qaıta salynady. Tıisti qarajat bólinýde.

Kezdesý barysynda ózderine qajetti keńes alǵan 2 kásipkerge 10 mln teńge kredıt beriletin boldy. Sondaı-aq, kásibin dóńgeletip otyrǵandar 2020 jyldyń 1 qańtaryna deıin salyqtan bosatylady.

Jeńildetilgen nesıe berý úshin jergilikti bıýdjetten 200 mln teńge qarjy bólinip otyr. «Damý» qorynan qosymsha 300 mln teńge qarastyrylady.