Arysta jemqorlyqqa qarsy kúres máseleleri jónindegi komıssııanyń kezekti otyrysy ótti

ARYS. QazAqparat – Túrkistan oblysy, Arys qalasynda sybaılas jemqorlyqqa qarsy is-qımyl máseleleri jónindegi komıssııanyń kezekti otyrysy boldy. Qala ákimi Murat Qadyrbektiń tóraǵalyǵymen ótken basqosýda qabyldanyp jatqan sharalardyń jaı-kúıi men memlekettik baǵdarlamalarǵa bólingen qarjylardyń nysanaly paıdalanylýy talqylandy, dep habarlaıdy QazAqparat tilshisi.

Otyrys barysynda qala basshysy sybaılas jemqorlyqqa qarsy is-áreket boıynsha zańdylyqtyń, tártiptiń saqtalýyn qadaǵalaý kerektigin atap ótti.

«Sybaılas jemqorlyqtan adal qoǵam qurý – memleket saıasatynyń basym baǵyttarynyń biri ekeni belgili. Al, sybaılas jemqorlyq kórinisterine qarsy is-qımyl boıynsha qabyldanyp otyrǵan sharalar, memlekettik organ men onyń basshysy jumysynyń tıimdiligin baǵalaýda mańyzdy krıterıı bolyp tabylady», - dedi Murat Qadyrbek. Komıssııa otyrysynda sondaı-aq, qala ákimi apparatynyń bólim basshylary, aýyldyq okrýg ákimderi men derbes bólim basshylary qatysyp, baıandama jasady. Kásipkerlik bóliminiń basshysy Q.Shoınahov, jumyspen qamtý jáne áleýmettik baǵdarlamalar bólimi basshysynyń orynbasary K.Dildábekova, qalalyq qurylys bóliminiń bas mamany Ǵ.Sadyqov, ishki saıasat bóliminiń bas maman-baspasóz hatshysy Sh.Nurtazaevalar kún tártibindegi másele boıynsha atqarylyp jatqan jumystar barysyn atap ótti. Baıandamashylarǵa suraqtar qoıylyp, zań aıasynda tıisti jaýaptar berildi.