Arysta jasóspirimder arasyndaǵy quqyqbuzýshylyqtyń aldyn alý máselesi talqylandy

ARYS. QazAqparat – Arysta jasóspirimder arasyndaǵy quqyqbuzýshylyqtardyń aldyn alý máselesi talqylandy. Qaladaǵy orta mektepte ótken jıynǵa polıtseıler men ata-analar jáne mektep dırektorlary qatysty, dep habarlaıdy QazAqparat tilshisi.

Jınalys barysynda tártip saqshylary ata-analarǵa qatań túrde ózderiniń jasóspirim balalaryn túngi saǵat 23:00-den keıin úıden shyǵarmaý kerektigin eskertti. Arys APB-niń bastyǵy polıtsııa polkovnıgi N.Isabekov bul sharalar jasóspirimderdiń arasyndaǵy quqyqbuzýshylyqtardyń aldyn alý maqsatynda jasalyp jatqanyn atap ótti.

«Kámelet jasyna tolmaǵandar arasynda oryn alatyn túrli qylmystardy boldyrmaý - barlyǵymyzǵa júktelgen qyzmet. Ata-ana úıde balaǵa jaqsy tárbıe berip baqylaýy qajet. Al, mektepte jasóspirim bilim nárimen sýsyndaýy kerek. Osylaısha tıisti mekemeler qajetti sharalardy iske asyrsa, qylmystyq oqıǵalardyń aldyn alýǵa bolady. Jasóspirimder arasyndaǵy irili-usaqty quqyqbuzýshylyqtardy boldyrmaýda bundaı sharalardyń bereri mol»,-dedi polıtsııa polkovnıgi.

Jıyn sońynda qalalyq bilim bólimi qyzmetkerleri men ákeler keńesi, ata-analar birigip jasóspirimder arasyndaǵy quqyqbuzýshylyqtyń aldyn alýǵa bir kisideı áreket etýge ýaǵdalasty. Oıynhana, meıramhana, oıyn-saýyq ortalyqtarynda ıaǵnı adamdar kóp shoǵyrlanatyn oryndarǵa bilim berý uıymynyń qyzmetkerlerimen birlesip, túngi reıdtik tekserý jumystary turaqty túrde ótkizip turatyn boldy.