Arysta jaraqat alǵan 25 adam Shymkent qalalyq aýrýhanasyna jetkizilgen
«Jalpy sany 25-azamat №1 qalalyq klınıkalyq aýrýhanaǵa óz erkimen kelgen. Sondaı-aq №1 qalalyq klınıkalyq balalar aýrýhanasyna 6 jastaǵy bala jeńil kólikpen jetkizilgen. Bala qazir jansaqtaý bóliminde em qabyldap jatyr. Shymkent qalalyq qalalyq jedel járdem stantsııasyna qarasty 10 brıgada Arys qalasyna kómekke jiberildi. Buǵan qosa qalalyq jedel járdem stantsııasynyń 20 feldsheri men emhanaǵa qarasty 2 jedel járdem brıgadasy Bekjan bazary mańynda jáne ortalyqtaǵy meshitte Arys qalasynan kelgen azamattarǵa medıtsınalyq kómek kórsetýde. Barlyq patsıentterdiń jaǵdaıy men qajetti em alýy qalalyq Densaýlyq saqtaý basqarmasy basshylyǵynyń qatań baqylaýynda. №1 qalalyq klınıkalyq aýrýhanaǵa áli de naýqastar túsip jatyr», delingen habarlamada.
