Arysta jańa mektep paıdalanýǵa berildi
ASTANA. QazAqparat - Dermene aýyldyq okrýgi Sanaly eldi mekeninen 150 oryndyq «Qarajantaq» jalpy orta mektebiniń saltanatty ashylý rásimi ótti, dep habarlaıdy Arys qalasy ákiminiń baspasóz qyzmeti.
Bilim oshaǵynyń ashylý rásimine qala ákimi M.Qadyrbek, «Nur Otan» Partııasy Arys qalalyq fılıalynyń tóraǵasy I.Qalıev, qalalyq bilim bóliminiń basshysy Á.Musaev, mekeme, bólim basshylary men qyzmetkerleri, aýyldyq okrýg ákimderi, zııaly qaýym ókilderi, aýyl turǵyndary jáne BAQ ókilderi qatysty.
Atalǵan mektepter zamanaýı qural-jabdyqtarmen, kompıýter kabıneti, fızıka-hımııa kabınetteri men ınteraktıvti taqta jáne oqýshylardy eńbekke baýlıtyn arnaıy kabınetter talapqa saı jabdyqtalǵan. Ashylý rásiminde qalalyq mádenıet úıiniń ónerpazdary kontserttik baǵdarlama uıymdastyryp, óz ónerlerin kórsetti.
Aıta keteıik, búgingi tańda Arys qalasynda apatty mektepter men úsh aýysymda bilim beretin mekemeler joq. Qala aýmaǵynda 40 bilim oshaǵy bolsa, onyń 26-sy jalpy orta mektep statýsyn ıelense, 5-ýi bastaýysh, al 9-y shaǵyn jınaqty mektepter qataryna kiredi.
