Arysta úıinen qashyp ketken 15 jasar qyz Shymkentte jaldamaly páterden tabyldy

ShYMKENT. QazAqparat - Shymkenttik polıtseıler joǵalǵan qyzdy taýyp, anasyna tabystady, dep habarlaıdy QazAqparat qalalyq polıtsııa departamentine silteme jasap.

2021 jyldyń 26 mamyrynda saǵat 10:00 kezinde ál-Farabı aýdandyq polıtsııa basqarmasynyń ýchaskelik polıtsııa ınspektory, polıtsııa maıory N.Jýsıpov óziniń belgilengen aýmaǵynda jumys atqarý kezinde jaldamaly páterde 2006 jylǵy jasóspirimniń jalǵyz turyp jatqanyn anyqtaǵan.

Surastyrý barysynda Túrkistan oblysy Arys qalasynan jasóspirim óz úıinen ketip qalǵanyn aıtyp túsindirdi.

Sodan soń tártip saqshysy jasóspirim qyzdyń ata-anasynyń uıaly telefonyna habarlasyp, anasyna din-aman tabystady.

Óz kezeginde joǵalǵan qyzdyń anasy shymkenttik polıtseılerge alǵysyn aıtyp, rızashylyǵyn bildirdi.